عوام کے لیے ایک اور بری خبر ،گیس کی قیمت بڑھانے کی منظوری

آئل اینڈ گیس ریگولیٹری اتھارٹی (اوگرا) نے رواں مالی سال کے لیے گیس کی قیمت بڑھانے کی منظوری دے دی۔

سوئی نادرن کے لیے گیس کی قیمت میں 8.71 فیصد اضافہ جبکہ سوئی سدرن کے لیے 25.78 فیصد اصافے کی منظوری دی گئی۔

اوگرا نے گیس کی قیمتوں میں اضافے کا فیصلہ وفاقی حکومت کو بھیج دیا۔ حکومت سے منظوری کے بعد قمیتوں میں اضافے کا اطلاق یکم جنوری سے کیا جائے گا۔

اوگرا کے مطابق سوئی ناردرن کےلیے گیس کی اوسط قیمت 1778روپے 35 پیسے فی ایم ایم بی ٹی یو  مقرر کرنے کی منظوری دی گئی ہے۔

اسی طرح سوئی سدرن کےلیے گیس کی اوسط قیمت 1762روپے51 پیسے فی ایم ایم بی ٹی یو مقرر کرنے کی منظوری دی گئی۔