فلاحی تنظیم چھیپا فاؤنڈیشن نے انکشاف کیا ہے کہ شہر قائد میں شدید سردی کے باعث 63 بے گھر افراد جاں بحق ہوگئے ہیں ۔
ترجمان چھیپا فاؤنڈیشن کے ترجمان، چوہدری شاہد نے بتایا کہ کراچی میں دسمبر سے اب تک مختلف مقامات سے 43 لاشیں ملی ہیں۔
ترجمان کے مطابق 38 افراد کی تدفین اور کچھ کو لواحقین کے حوالے کیا گیا، جبکہ چھیپا سرد خانے میں اب بھی 25 لاوارث لاشیں موجود ہیں۔
ترجمان کا کہنا تھا کہ مرنے والے نشے کے عادی افراد تھے جوسردی برداشت نہ کرسکے، ان کے پاس خود کو سردی سے بچانے کیلئے کوئی انتظام نہیں تھا۔
چوہدری شاہد نے بتایا کہ سردی سے مرنے والے افراد میں ایک خاتون بھی شامل ہے، 43 میں سے 13 بے گھر نشے کے عادی افراد کی موت سردی کی وجہ سے ہوئی۔
سردی سے مرنے والوں کے پاس نہ تو گرم کپڑے تھے اور نہ ہی خود کو سردی سے بچانے کے لیے کمبل تھا۔
