سعودی وزارت صحت نےعمرہ زائرین کے لیے جامع صحت کے اصول و ضوابط جاری کر دیے۔ سعودی سول ایوی ایشن گاکا نے نوٹیفکیشن جاری کردیا۔
سعودی عرب نے عمرہ زائرین کے لیے تمام ضروری ویکسینیشن اور احتیاطی تدابیر لازمی قرار دے دیں۔
مسافروں کو صحت دستاویزات، بشمول ویکسینیشن سرٹیفکیٹ لازمی دکھانا ضروری ہوگا۔
پاکستان ، نائجیریا، افغانستان اور دیگر پولیو متاثرہ ممالک کے زائرین کے لیے پولیو ویکسین لازمی قرار دی گئی ہے۔ عمرہ زائرین کو بائیویلنٹ اور ان ایکٹیویٹڈ پولیو ویکسین لگوانے کی ہدایت کی گئی ہے۔
دنیا بھر سے آنے والے زائرین کے لیے منیجائٹس ویکسین لازمی قرار دے دی گئی۔ زائرین کو ویکسینیشن سرٹیفکیٹ پیش کرنا ہوگا۔
انگولا، نائیجیریا، برازیل، کانگو کے مسافروں کے لیے زرد بخار کی ویکسین لازمی قرار دی گئی ہے۔ زرد بخار سے متاثرہ ممالک کے زائرین کے سرٹیفکیٹ لازمی قرار دیا گیا ہے۔
زائرین کو کورونا وائرس اور انفلوئنزا سے محفوظ رکھنے کے لیے عالمی ادارہ صحت کی سفارش پر سعودی عرب نے کووڈ-19 اور موسمی فلو کی ویکسین لازمی قرار دی ہے۔
عمرہ زائرین کو ٹیٹنس، خسرہ و دیگر بیماریوں کے خلاف معمول کی ویکسینیشن مکمل کروانے کی ہدایت بھی کی گئی ہے۔
